कुठे राहते शिल्लक ?

कुठे राहते शिल्लक
काही काळाच्या ओघातं
तुटे पतंगाची दोरी
जाते अस्तित्वं उडतं....

ऊरी रेंगाळते जरा
वेडी जगण्याची आसं
उभ्या आयुष्याला होता
जरी मरणाचा त्रासं...!

अभिप्रेत

याद माझी येत नाही हे ख्ररे का?
त्रास थोडा देत नाही हे खरे का ?

तू निघावे अन् तुला मी थांबवावे
हे तुला अभिप्रेत नाही हे खरे का ?

जाळते आहे जिवाला खूप जी,...ती
वेदना गझलेत नाही हे खरे का ?

खूप आहे आज पैसा ...पण मनाला
तो दिलासा देत नाही हे खरे का ?

हाय! जे पावित्र्य होते काल तेथे....
आज ते गंगेत नाही हे खरे का ?


अमोल शिरसाट,

राधा

डोळ्यांमध्ये जमू लागली
पुन्हा तीच विराणी,
गहिवरलेली एक आठवण
अन् थोडेसे पाणी.


पुन्हा एकदा जीव जाळण्या
वैरीण सांज परतली,
थकले डोळे वाट
पाहता राधा केविलवाणी.


अमोल शिरसाट.