३ जुलै, २०१८

नवी घोषणा पोकळ आहे

नवी घोषणा पोकळ आहे
पेल्यामधले वादळ आहे

किती आक्रमक भाषण असते
आतुन वासा पोकळ आहे

गजबलेले शहर मनाचे
आठवणींची वर्दळ आहे

जिवंत आहे अजून वारा
पानांमध्ये सळसळ आहे

धार तिच्या नजरेला आली
डोळ्यांमध्ये काजळ आहे

बीज तडकते अंकुर येतो
पुर्णत्वाची तळमळ आहे

- अमोल शिरसाट
-

पुन्हा आभाळ दाटले

पुन्हा आभाळ दाटले तिच्या गहिर्‍या डोळ्यात; पुन्हा बरसल्या धारा तिच्या सुन्या काळजात...! ओळखीच्या पावसाने तिला वाटेत गाठले, चिंब भिजवून माती ...

  • तुला जरी मी भार वाटतो
    तुला जरी मी भार वाटतो मला तुझा आधार वाटतो उजेड आहे नक्की थोडा फार जरी अंधार वाटतो छळणा-यांना छळणे म्हणजे जन्मसिद्ध अधिकार वाटतो गल्लीत...
  • अच्छे दिन
    गाजावाजा करत निघाले दिल्लीतुन येता येता हवेत विरले अच्छे दिन अमुच्या बरबादीचा आढावा घेण्या काल विमानामधून फिरले अच्छे दिन निवडुंगाचे पीक...
  • मी ठेवताच संयम सारे जुळून आले
    मी ठेवताच संयम सारे जुळून आले जे पाहिजे मला ते सारे घडून आले ऐकुन प्रश्न माझा शुन्यात ती हरवली डोळ्यांमधून उत्तर मग ओघळून आले निष्कर्ष क...